البآرت السآدس ..
.
.
.
السـاعه 7 كآن الكل جـآهز ماناقص الا الضيـوف ..
ب جناح البنات كل وحده جاهزه وجالسه ع الكنب ويسولفون ..
نبدأ بـ حلآ ..
فستان لونه ليموني مزين بورود احجامها متفاوته بلون بألوان بنفسجية مبين الغامق والفاتح ..
موديله ناعم وقماش من الحرير .. واكمامه علاقي على شكل خيطين ممتده من الكتف لأعلى الصدر ..
لبست سلسال بتعليقه فيها قلبين مجوفة وفارغه صغيرة .. ومسويه شعرها ستريت وطالعه تسلب الانفاس ..
دانه ..
فستانها لونه وردي متدرج مع الأبيض النقي...كان فستانها مبين حلاوة جسمها عباره عن خيوط وعاري من عند الصدر كان مشدود بفيونكا لونها وردي
وكان منثور على خصرها إلى اسفل الفستان من جهة اليمين ورود مثبته بالفستان مع ستراتس لماعه مع الورد وفستانها كان من الموسلين والحرير الناعم واللاصق
بالجسم...وكان جيبها من عند الصدر مفتوح وواسع وطبعا مع الفستان شال حريري وشفاف مثبت فيه اللي بنفس الفستان ..وملففه شعرها بـ رولات كبار وطالعه اكثر من روعه ..
سديم ..
بنفسجي بدون أكمام وبحزام في الوسط ضيق من جهة الصدر وواسع من تحت .. وشعرها مسويته ستريت ومثبته قصتها بـ استراس بنفسجي ..
شوق ..
لابسه فستان تـوب اسـود مفصل جسمها تفصيل وطالعه تبهر العيون .. ومسويه كيرلي وجايبته على جنب ومثبته بـ ورود حمرا ناعمه ..
ربى ..
فستان رااااقي شيفون حرير بلون الزهر مع شريطه ساتان على الخصر ويدها تكسير صغير كت مربوط بشريطه صغيره مره ,,وشعرها الي يوصل لـ اكتافها مكسرته ولابسه طوق زهري نعوم ..
هيفاء ..
فستانها الحرير لون اصفر هادي ماخذ القصه الفرنسيه على جسمها ومعطي شكلها حلاوه اكثر مسويه شعرها سينيون ناعم ..
نوف ..
فستان بنكي يوصل للركب حرير وكان له فيونكه من ورا وشعرها القصير مسويته ستريت ..
.....
ربى غمزت لـ نوف : والله يانويف لو يشوفك الي في بالي بهاللبس بخيييييق ختقتن مهيب صاحيه ..
ناظرتها نوف ببرود وماردت تكـــره هالموضوع ومشاري الي ربطوها فيه ..
سديم : يلا بنات ننزل ..
دانه بتوتر : شوي تونا ..
سديم : نوره دقت تقول الناس وصلوا ..
دانه وقفت تناظر شكلها اول مره ماتطلع واثقه من شكلها مثل اليوم خايفــه من المقابله مع اهلــه ..
نزلوا البنات وهي معهم تقدم خطوه وتأخر خطوه ..
.
.
.
.
سيآره تركي ..
كانوا راكبين معه اهلـه ..
امه , فجر , نهى ..
طبعا اروى عند اهلها ..>_<
نهى : يلا عاد قول مرتك حلوه ولا لا ..
تركي : نهووه ترا عورتي راسي بـ اسالتك خلاص بتشوفينا ياختي يووه ..
ناظر امه الي من امس وهي ساكته ..
تركي : ام تركي ..
ماردت ..
تركي : الغاليه ..
ماطاوعها قلبها ماترد على حبيب قلبها ..
ام تركي : سـم .
تركي : سم الله من كرهك ...راضيه علي ..
ام تركي : يشهد الله اني راضيتن عليك ..
تركي لثم يدها : هذا اهم شيء عندي ..
ام تركي : بس فاجئتني لما قلت تزوجت ..
تركي : ليه يمه ؟؟ مهوب هذا الي تبينه ؟؟
امه : الا بس انا ابيها من اختياري ..
تركي : ليه عاد ياام تركي اختياري مهوب عاجبك ..
امه بنص عين : جربنا اختيارك في المره الاولى ..
تركي تذكر دانه : صدقني ذا المره اختياري بيعجبك واذا مااجبك احلقي هذي ..* واشر على ذقنه *
امه : نشوف ياتريكان نششوف ..
تركي : افااا عمري بيصك 34 وتناديني بـ تريكان لا وقدام عقد اللولو الي ورا ..
نهى : لا تخاف ماراح نعلم احد ..
تركي ضحك : لو هاجر الي قايله هالكلام ممكن اصدق بس انتي مااظن ..
نهى بزعل : ليييه وش شافيني يعني ..
تركي بحنان : شايفك احلى اخت بالكون ..* ناظر فجر * فجوره ..
فجر : لبيــه ..
تركي : فيصل يسلم عليك ..
فجر حمر وجهها وماردت ..
تركي : يازين الحياء بس ..
لما قربوا من المزرعه ..
دق على دانه ..
: هههههههههههههه الله يرجك من بنت ..
تركي تخدر : يآآلببى هالضحكه..!!!
دانه انحرجت بقوووه واحمر وجهها : ء .مممم ..هلا تركي .
تركي ابتسم : شفيك ؟؟
دانه عضت على شفتها : ولا شيء ..
تركي : طيب احنا قريب من المزرعه ..استقبلي اهلي ..
ارتبكت بقـوه : طـ ..طيب ..
تركي : يلا سـلام ..
دانه : مع السلامه ..
.
.
سكرت من تركي ..
وناظرت البنات : وش اســوي ..
شوق : حلوه وش اسوي روحي لهم ..
دانه : شكلي حلو ..
سديم : يمزع العقل ..
دانه خذت نفس عميق وعدت لين الثلاثه وراحت لـ المدخل ..
اقل من ربع ساعه الا تشوف 3 حريم داخليـن ..
رقع قلبها بقووووه ..
دانه بـ ابتسامه تطير العقل : هلآ والله .تو مانورت المزرعه ..
كشفت ام تركي وعينها على الغزال الي قدامها : الله يسسلمك ..
قربت دانه وباست راس ام تركي : حيآك خالتي ..
ام تركي : انتي دانه ..
دانه بعذوبه : اي انا دانه ..
ام تركي : حي الله الزين ..وش اخبارك وانا خالتك ؟؟
دانه : طيبه طاب حالك ..انتي بشريني عنك ؟؟
ام تركي : احد يشوف هالزين ومايكون بخير ..
دانه بحيا : تسلمين ..
ام تركي : هذولا خوات تركي ..هذي فجر وهذي نهى ..
دانه سلمت عليهم : هلآ والله تشرفنا ..
فجر : كيـفك ؟؟
دانه : تمام الحمدلله وانتوو وش اخباركم ؟؟
نهى : نزقح ولله الحمد..
دانه : دوم ان شاءالله ..تفضـلوا حياكم ..
فجر : معليش دانه وين المرايات ..
دانه : تفضلوا من هنا المرايات وبرسل الخدم ياخذون عبايتكم ..تفضلي خالتي معي ..
زال توتر اللقى الاول عند دآنه ..
بدوا الناس يكثرورن ..
عند البنات الرقص والاستهبال قااايم على اخره ..
نهى وفجر اندمجوا مع البنات على طول ..
عيون ام تركي مانزلت من على دانه وتسمي عليها بداخلها وماخلت احد ماقالت له انها مرت ولدها ^_^
جاءت دانه شايله صينيه عصاير منوعه للبنات ..
وقفت عند شوق وحنت ظهرها : تفضلي شواقه ..
شوق : اممممم وش اطعم شي..؟
دانه : المانجو ..
شوق : لا ثقيـل ..
دانه : طيب خذي فراوله ..
شوق : لا مااشتهيه ..
دانه: بسرعه ووجع ظهري انكسر ..
شوق: هههه طيب هذا وشو؟
دانه: هذا جوافه وهذا ليمون وهذا كوكتيل بسرعه ولا اروح ..
شوق اخذت كوكتيل: شكرا معليش تعبتك ههههههههه
دانه: العفو ولا تنعاد ..
وقفت قبال نهى ..
نهى خذت عصير برتقال : شكراً مرت اخوي ..
ربى : ههههههههههه ارحميها ياختي ..
نهى : اووه كيفي فرحانه فيها ..
.
.
.
عند الرجـــــــــــال ..
كان الجو اهدى من جو الحـريم بكثييييييييير ^_^ << بتنجلد ..
: الله يرجك من ولد وش سويت بعد كذا ..
: عطيته العلم الي يجمد على الشارب ..
: ارحمني ياقوي ..
رد بغرور : اكيـــد انا نـــــــــايف بن ســـعود ..
: ونــعم ..
: شباب سؤال يطرح نفسه ..؟؟
نايف : اسال ؟؟
: الحين فوازوه ليه جالس مع منصور وجراح ومشاري وهو مهب كبرهم ..
نايف : خله يكتسب خبره ياخي وش عليك ؟؟
: الا اخوك متى ناوي يعرس ..ياخي بيشيب وهو مااعرس ..
نايف : جبتها على الجرح وكنك مادريت ..
: تبي تعرس ..
: استغرب منك موقف حياتك على اخوك .. انا اجزم انك لو تقول لـ منصور مهو رافض تتزوج قبله ..
ناييف : مدري ماقد جربت وسالته ..بس دخلت هالفكره براسي وبساله ..
الا بـ صــــــــــــــــــــوت بـ اول المجلس ..قــطع على الكـــل سوالفه ..
: يـاابو طلآل انا جاين الليـله وابي القرب منك في بنت اخوك وانت عمها وولي امرها ..
السسسسسسسسسسسكوووت يعم ارجاء المجلس ..
ابو طلال بعد مااستوعب الموضوع رد بهدوء فخم : مابي اردك ياابو حمد بس تعرف ولدي باغيها من قبل ..وهو ولد عمها وتعرف سلومنا ياابو حمد ..ولا انا غلطان يامنصور ..
منصور وملامح وجهه ماتستفسر : وابوي صـادق بنت عمي وابيـها ..
ناظر ابو طلال ولده بـ نظرات امتنان انه ماسود وجهه قدامهم ..
ناظر في اخوانه طلآل ونايف ...حس بالدنيا تطبق على صدره
وش العمل...!!
انتهــى العشـاء وراح الكـل الا اهل تركي ..
حلآ تضحك ماتدري وش صاير : يلا عطيني الرقم ..
نهى : سجلي*******050
حلآ دقت عليها عشان تسيف الرقم عندها ..
نهى : اوكي بيننا الو ..
حلآ : اوكي ..يلآ هاتي بوسه ..
نهى : وع توني ادري انك منحرفه ..
حلآ : انطمي وجع ..غيرك يتمناها بس مو محصل ..
نهى : غبي ..
حلآ عصبت : منهووو ..
نهى : هاه لا ولا شيء ..
حلآ : على بالي بعد ..يلا تشآو ..
نزلت دانه وهي شايله اغراضها الخفيفه ..
حلآ : بتروحين ..
دانه : ماتبيني اروح ترا عادي ..
حلآ ضحكت وضمتها : عشان يذبحني تركي ..يلآ حياتي اشوفك على خير ..
دانه : ان شاءالله .انتبهي لـ اسامه خليه يفرش اسنانه قبل ينام ..
حلآ : من عيوني .. يلآ عاد طسي ..
دانه دفتها برقه : دووبا انقلعي ..
حلآ : بآي ياعمري ..
دانه باستها: مع السلآمه..
طلعت دانه مع اهل زوجها ..
جات ربى ورمت نفسها ع الكنب : يالله جسمي متكسر ..
حلآ : ابد مقطعه الشغل بسم الله على قلبك ..
ربى مسكت راسها : يااارربيييه وش عليك مني انا كذا ناعمه اتعب من اي حركه اسويها ..
البنات : ههههههههههههههههههههههههههههههههه
ربى تستهبل حطت اصبعها في فمها وقالت بدلع : اوبس ..انتو هنا ..
نوف : بنات وش رايكم نتسبح بالمسبح ..
هيفاء : وين ؟؟ كم الساعه ؟؟
حلآ : والله جد عادي ..وناسه دام الكل بينام ..
نزلوا آنسه جامعه وآنسه كليه بعد مالبسوا بجايمهم ..
ربى : بنروح للمسبح تجون معنا ..
سديم وشوق ناظروا بعض وقالوا : لا ..
شوق : فيه فلم بنتابعه ..
نوف : وع عليـكم الحين ترفضون المسبح عشان موفي ..
قاموا البنات يلبسون ملابس السباحه وطلعوا للمسبح ..
ربى : يلا من اول وحده تطب ..
نوف تغطس رجولها بالموي : يالبيييييييييه ..وه بس المويه تزنن ..
حلآ : ارحميني هههههههههه
نوف : انقلعي ..
طبوا البنات وبدت الوناسه ..
بعد ساعه ..
حست بضيق في صدرها فجاءه طلعت من المسبح وجلست ع الحافه ورجلينها بالموي ..
انتبهوا البنات لها ..
ربى : حلاوه شفيك طلعتي ..
حلآ : هاه ..لا بس مليـت ..
هيفاء : مسرع مليتي ..
نوف : ايه والله حتى انا مليت..
طلعت حلآ ونوف من مكان المسبح تاركين وراهم ربى وهيفاء ..
.
.
.
.
بيت دانه وتركي ..
بعد ماوصل اهلـه رجع مع دانه لـ بيتهم ..
دخلوا الشقـه وراح هو لـ الحمام ياخذ له شاور ..
اما دانه شالت عبايتها وعلقتها واتجهت لـ التسريحه ..
عدلت شكلها وراحت تسوي لهم عصير..
بعد دقايق طلعت من المطبخ شافت تركي جالس بالصاله ..
حطت الصينيه ع الطاوله وجلست بـ كنب منفـرد ..
تركي وعينه ع التلفزيون : كيـف شفتي اهلـي ؟؟
ابتسمت بهدوء : يجننون ..
ابتسم على تعبيرها وناظرها بـتأمل ..
قال بعد فتره وهو يتأملها : ليش انتي تطيرين العقل كـذآ ..
دانه بلعت ريقها وقالت وهي توقف : اطير العقل لـ درجه انك ماتذكر اسمي ..
تركي وقف ومسكها وقربها منه : لا تخربي علينا هاللحظه ..
دانه تحاول تفك نفسها من بين يديه : لا ياتركي مو تخليني فوق السحاب بكلامك ولمساتك ..وبعد شوي تجرحني وتناديني بـ اسمها ..اذا انت تحبها لـ هالدرجه ليش اخذتني ..
تركي : ابي عيـال ..
دانه بعبره تحاول تمسكها : طـيب وانــا ..
تركي : انتي زوجتي ..
دانه : وين موقعي في قلبك ..؟!!
تركي ناظرها من غير مايتكلم ..
جرحها بسكـوته ..
فكت نفسها منه وراحت للغرفه تبدل وتنام احسسسن ..
.
.
.
اليـوم الي بعـد رجع الكل للبيـوت ..
وبدت المدارس والغثآء .>_<